Dy të rinj shqiptarë, një burrë dhe një grua, janë arrestuar në Athinë nga policia greke pasi në automjetin e tyre u gjet lëndë eksplozive dhe armë.
Bëhet fjalë për një 39-vjeçar me iniciale A.R. dhe një grua 33-vjeçare.
Mediat greke kanë raportuar se makina me të cilën po lëviznin shqiptarrët u ndalua për një kontroll të rastësishëm. Policët dyshuan për lëndë plasëse kur po bënin kontroll në pjesën e marshave.
Pasi njoftuan skuadrën speciale kundër bombave, rezultoi se shqiptarët ishin duke transportuar një pako të dyshimtë për lëndë plasëse eksploziv.
https://366fa74b4233f3bb6a819528f982fdbe.safeframe.googlesyndication.com/safeframe/1-0-40/html/container.html Të dy u arrestuan në flagrancë. 39-vjeçari rezulton të jetë person me precedent penal dhe i dënuar më parë për drogë.
Policia beson se shqiptari është pjesë e një bande në Athinë dhe eksplozivi do të vendosej në një makinë apo dyqan.
Gjatë marrjes në pyetje, 39-vjeçari ka mbajtur qëndrim mohues para hetuesve dhe nuk ka treguar se ku i ka gjetur eksplozivët dhe detonatorët. Policia dyshon se lënda plasëse mund të jetë trafikuar nga Shqipëria.
