KURBIN- Dy vëllezër janë arrestuar në Kurbin, teks apo transportonin rreth 8 kg kanabis. Ata ishin duke lëvizur me makinë në aksin rrugor “Laç-Mamurras”, kur janë ndaluar nga policia.
Pas kontrollit në makinë, dy vëllezërve Simon Vuka, 36 vjeç, dhe Gezim Vuka, 26 vjeç, iu gjetën dy qese me rreth 8 kg kanabis me qëllim shitjen e saj.
Policia ka sekuestruar drogën dhe shuma parash në lekë dhe në euro, si edhe dy celularë.
“Si rezultat i administrimit të menjëhershëm të informacioneve të siguruara nga inteligjenca policore, se 2 shtetas transportonin lëndë narkotike, Seksioni për Hetimin e Narkotikëve i DVP Lezhë, në bashkëpunim me Forcën e Posaçme “Shqiponja” dhe me Seksionin e Mbështetjes Operacionale të Hetimit, kanë finalizuar operacionin policor të koduar “Mbikalimi”.
Gjatë operacionit janë arrestuar në flagrancë shtetasit S. V., 36 vjeç dhe G. V. 26 vjeç, vëllezër, të dy banues në Kurbin. Ata janë kapur në aksin rrugor “Laç-Mamurras”, teksa transportonin rreth 8.2 kg Cannabis Sativa, me qëllim shitjen”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
