Një nga surprizat e merkatos së dimrit ishte padyshim huazimi deri në fund të sezonit i Antony nga Manchester United te Betis. Që prej debutimit me skuadrën e drejtuar nga Manuel Pellegrini, Antony nuk ka humbur asnjë mundësi për të shkëlqyer.
Braziliani ka qenë titullar në dy ndeshjet e e tij të para ku ka shfaqur një cilësi të madhe teknike. Me aftësinë e tij për të çekuilibruar në krah kundërshtarin dhe shpejtësinë e tij në driblime, braziliani ka arritur të fitojë besimin e trajnerit dhe duartrokitjet e tifozëve.
Madje, anësori brazilian ka arritur të shënojë golin e tij të parë dhe është shpallur “Njeriu i Ndeshjes” në dy sfidat e para me Betis, duke treguar instinktin e tij sulmues në momentet kyçe. Përshtatja e shpejtë me stilin e lojës së Betis tregon se qëndrimi i tij në La Liga mund të shënojë një pikë kthese në karrierën e brazilianit.
Mediat spanjolle raportojnë nga burime shumë afër lojtarit se ai është shprehur te shokët e rinj të skuadrës që nuk dëshiron më të kthehet te Manchester United dhe as në Premier League.
Huazimi i tij mbaron në fund të këtij sezoni dhe mbetet për t’u parë si do veprohet për të ardhmen e brazilianit. Manchester United ka paguar 90 milionë euro tek Ajax për kartonin e tij dhe sigurisht që nuk mund të lejojë largimin e tij për një shifër të vogël.
