Një ngjarje tragjike ndodhi mbrëmjen e së enjtes në Piacenza, ku një vajzë 20-vjeçare shqiptare, Anxhela Byku, e njohur nga miqtë dhe familjarët si Angi, humbi jetën pas ra nga ballkoni i banesës ku jetonte me bashkëshortin e saj.
“Shërbimet e emergjencës dhe karabinierët mbërritën menjëherë në vendngjarje pas alarmit të dhënë nga bashkëshorti, i cili e gjeti të shtrirë në oborrin e brendshëm të pallatit.”
Sipas mediave lokale, ngjarja dyshohet të ketë qenë një aksident tragjik, dhe jo një veprim i qëllimshëm apo pasojë e ndërhyrjes së personave të tretë. Kjo është edhe pista kryesore që po hetohet policia.
“Hetuesit kryen rindërtimin e ngjarjes dhe inspektime të hollësishme në apartament dhe ambientet përreth. Hetuesit përjashtuan përfshirjen e palëve të treta. Sipas hetimeve paraprake, 20-vjeçarja po gatuante në shtëpi atë mëngjes, kur dyshohet se u shpërqendrua nga zilja e derës dhe doli jashtë apartamentit pa marrë çelësat me vete. E mbetur jashtë dhe pa mundësi për të hyrë, ajo dyshohet se tentoi të ngjitet në fasadën e ndërtesës duke u kapur pas parmakëve, për të arritur në ballkonin e saj në katin e dytë. Gjatë kësaj përpjekjeje, humbi ekuilibrin dhe ra nga një lartësi prej rreth 8–10 metrash, duke marrë dëmtime fatale në kokë.”
Familjarët e saj, përfshirë nënën dhe motrën, kanë mbërritur nga Shqipëria për të qëndruar pranë të afërmve dhe për të përballuar këtë humbje të rëndë.
“Ajo u gjet e shtrirë në oborrin e pallatit në mëngjes në gjendje shumë të rëndë. U dërgua me urgjencë në spital, por nuk mundi t’u mbijetojë plagëve të marra nga rënia.”
Ngjarja e trishtë ka tronditur komunitetin shqiptar në Itali dhe familjarët e saj, ndërsa hetimet për të konfirmuar çdo detaj të incidentit vazhdojnë.
