Një aksident i rëndë është regjistruar pasditen e kësaj të mërkure, 5 maj, në fshatin Barbunjë e Re, të Bashkisë së Divjakës.
Sipas informacioneve, një 57-vjeçar ka humbur jetën, pasi traktori me të cilin ishte duke punuar tokën e ka zënë poshtë.
57-vjeçari Kujtim Meçi ishte duke punuar plantacionin me ullinj bashkë me gruan.
Ai ka qenë traktorist prej gati 20 vitesh. Raportohet ae disa vite më parë ai kishte pësuar një tjetër aksident nga freza e traktorit, e cila i dëmtoi njërën këmbë.
Ngjarja ka tronditur familjarët dhe banorët e zonës.
