Një plagosje me armë zjarri ka ndodhur pasditën e djeshme në Orikum. Sildi Velaj mbeti i plagosur, ndërsa autori Qerim Belo u shpall në kërkim.
Ndërkohë janë zbardhur detaje të reja lidhur me ngjarjen. 29-vjeçari i plagosur, Sildi Velaj po luante me letra në karburant me disa shokë, kur autori është afruar me makinë dhe ka qëlluar 10 herë drejt tij.
Të riun e kanë kapur në trup tre plumba. Pas plagosjes Velaj iu nënshtrua një ndërhyrjeje kirurgjikale në spitalin e Vlorës. Dyshohet që sherri ka nisur prej disa ditësh për motive të dobëta, ndërsa po punohet për kapjen e autorit.
