Ka përfunduar procesi i rinumërimit të votave për qarkun e Tiranës.
Anëtari i Komisionit të Ankesave dhe Sanksioneve (KAS), Ledio Braho, u shpreh se ndryshimet mes numërimit fillestar dhe atij të përsëritur kanë ardhur si pasojë e gabimeve njerëzore.
“Procesi ka disa hallka nga komisionerët, tek operatorët që hedhin të dhënat në sistem – dhe për shkak të lodhjes, mund të ketë ndodhur ndonjë gabim”, deklaroi Braho.
Rinumërimi nisi pas vendimit të KAS, si pjesë e procesit të verifikimit për integritetin zgjedhor në qarqet kryesore të vendit. Pas Tiranës, pritet të vijojë rinumërimi në qarqet Fier dhe Durrës.
