Faza e grupeve në Kupën e Botës 2026 është mbyllur dhe tashmë janë përcaktuar 32 skuadrat që vazhdojnë rrugëtimin drejt trofeut. Nga 48 ekipe që nisën turneun në SHBA, Meksikë dhe Kanada, vetëm 32 mbeten në garë pas tre ndeshjeve të para.
Në fazën e 1/16-ave janë kualifikuar dy vendet e para nga secili prej 12 grupeve, si edhe tetë skuadrat më të mira të vendeve të treta. Kjo fazë do të sjellë menjëherë disa përballje shumë interesante.
Spanja, kryesuese e Grupit H, do të përballet me Austrinë, e cila siguroi vendin e dytë në Grupin J pas barazimit dramatik ndaj Algjerisë. La Roja do të kërkojë të konfirmojë statusin e saj si një nga favoritet e turneut.
Një tjetër duel i madh do të jetë Portugali-Kroaci. Skuadra e Cristiano Ronaldos e mbylli Grupin K në vendin e dytë pas barazimit pa gola ndaj Kolumbisë, ndërsa përballë do të ketë Kroacinë e Luka Modric, që përfundoi e dyta pas Anglisë në Grupin L.
Argjentina e Lionel Messit do të sfidojë Cape Verde, një nga surprizat më të mëdha të këtij Botërori, ndërsa Kolumbia, që mori kreun e Grupit K, do të luajë kundër Ganës.
Çiftet e fazës së 1/16-ave:
Afrika e Jugut – Kanada
E diel, 28 qershor, ora 21:00
Brazil – Japoni
E hënë, 29 qershor, ora 19:00
Gjermani – Paraguai
E hënë, 29 qershor, ora 22:30
Holandë – Marok
E martë, 30 qershor, ora 03:00
Bregu i Fildishtë – Norvegji
E martë, 30 qershor, ora 19:00
Francë – Suedi
E martë, 30 qershor, ora 23:00
Meksikë – Ekuador
E mërkurë, 1 korrik, ora 03:00
Angli – RD Kongo
E mërkurë, 1 korrik, ora 18:00
Belgjikë – Senegal
E mërkurë, 1 korrik, ora 22:00
SHBA – Bosnje-Hercegovinë
E enjte, 2 korrik, ora 02:00
Spanjë – Austri
E enjte, 2 korrik, ora 21:00
Portugali – Kroaci
E premte, 3 korrik, ora 01:00
Zvicër – Algjeri
E premte, 3 korrik, ora 05:00
Australi – Egjipt
E premte, 3 korrik, ora 20:00
Argjentinë – Cape Verde
E shtunë, 4 korrik, ora 00:00
Kolumbi – Ganë
E shtunë, 4 korrik, ora 03:30
Pas përfundimit të këtyre 16 ndeshjeve, Botërori do të hyjë në fazën e 1/8-ave, ku skuadrat do të jenë vetëm katër hapa larg finales së madhe.
