Partia e Lirisë akuzon bashkinë e Tiranës se po tallet me pensionistët.
Zëvendës Presidentja e Partisë së Lirisë, Erisa Xhixho ka ndarë në rrjetin e saj social Facebook foto të pensionistëve të cilët presin në radhë për të marrë abonenë e mundësuar falas nga bashkia.
Por sipas saj, numri i kufizuar i pikave të shërbimit krijon radhë të mëdha në fillim të çdo muaji.
Postimi i plotë i Erisa Xhixhos
Këto janë pamje që dëshmojnë talljen që vazhdon me pensionistët.
Këta njerëz, që kanë kontribuuar një jetë të tërë për këtë vend, janë të detyruar të presin me orë të tëra, në këmbë, në radhë për abonenë e autobusit.
Numri i kufizuar i pikave të shërbimit krijon radhë të tilla çdo fillim muaji. Janë vetëm pesë pika shërbimi në Tiranë sepse bashkia e inceneratorit të Tiranës dhe drejtorëve 5D nuk ka gjetur dot një zgjidhje tjetër për mijëra pensionistë të Tiranës.
Tallen dhe përbuzen 12 vjet, për t’u mashtruar me rritje qesharake e bonuse elektorale pak muaj para zgjedhjeve.
Programi “5 prioritete për 4 milionë shqiptarë” do t’u bëjë të mundur:
-Dyfishimin e pensioneve
-Rimbursimin e ilaçeve: fatura rreth 3.5 miliardë lek
-Rritjen e pensionit minimal në nivelin 50 % të pagës
