Demokratët kërkuan mbledhjen e Këshillit të Mandateve në një ditë pushimi zyrtar, sipas vendimit të qeverisë, për të shqyrtuar kërkesën e SPAK për heqjen e imunitetit të zv/kryeministres. Kryeparlamentari në përgjigje u rikonfirmoi qëndrimin e mazhorancës për të pritur Gjykatën Kushtetuese, ç’ka PD e cilëson tentativë për të penguar drejtësinë.
Kjo e premte ishte ditë pushimi për administratën sipas vendimit të qeverisë, por Pesë anëtarët e Partisë Demokratike në Këshillin për Rregulloren, Mandatet dhe Imunitetin u paraqitën në Kryesinë e Kuvendit sipas një kërkese të mëhershme drejtuar kryeparlamentarit për t’u mbledhur e për të vijuar shqyrtimin e kërkesës së SPAK për heqjen e imunitetit të zëvendës kryeministres.
Socialistët, ashtu si një tjetër mbledhje të thirrur nga kolegët opozitarë nuk ishin paraqitur, por kur ligjvënësit demokratë iu drejtuan sallës së Komisionit denoncuan se derën e gjetën të mbyllur, siç tregon kjo video e shpërndarë.
Kryetari i grupit parlamentar demokrat, Gazment Bardhi, para gazetarëve që nuk u lejuan të futën në godinë, akuzoi socialistët që sipas tij po tentojnë të pengojnë drejtësinë, dhe direkt kryeparlamentarin për kthimin e Kuvendit në Bunker sic e cilësoi.
KJo ishte mbledhja e dytë e këshillit të Mandateve e thirrur nga opozita, ku mazhoranca nuk I përgjigjet kërkesës për të vijuar me shqyrtimin e kërkesës së SPAK për zëvendës kryeministren.
Por demokratët thonë se nuk do të tërhiqen në qëndrimin e tyre.
Për mediet, Bardhi zbuloi përgjitgjen e Kryeparlamentarit Niko Peleshi ku shprehet qëndrimi se këshilli do të thirret pas vendimit të Gjykatës Kushtetuese për cështjen e Pezullimit të Numrit dy të qeverisë, cka për demokratin, është një cështje që nuk lidhet me kërkesën e SPAK .
Këshilli I Mandateve u mblodh më 19 dhjetor për herë të parë për të shqyrtuar kërkesën e SPAK për heqjen e imunitetit për zëvendës kryeministren, por çështja nuk u shqyrtua pasi PS dhe avokati I numrit dy të qeverisë kërkoi kohë për tu njohur me dosjen e Prokurorisë së Posaçme.
