Klubi Dinamo ka reaguar pas vrasjes të 14-vjeçarit në afërsi të shkollës Fan Noli në Tiranë.
“Jemi thellësisht të tronditur nga lajmi tragjik për ndarjen e parakohshme nga jeta të lojtarit tonë Martin Cani, pjesë e skuadrës U-15.
Presidenti Adrian Bardhi dhe klubi FC Dinamo City i shprehin ngushëllimet më të sinqerta familjes Cani dhe i gjenden pranë në këto momente shumë të vështira.
U prehsh në paqe Martin!”, shkruhet në një njoftim të bërë në Facebook.
Martin Cani, 14 vjeç u godit me thikë në zemër paraditen e kësaj të hëne jashtë shkollës ku studionte në Tiranë.
Ai u përfshi në një sherr me tre adoleshentë të tjerë bashkëmoshatarë të tij. Dy prej adoleshentëve kanë mbetur të lënduar gjithashtu.
Krahas shkollës, i mituri ishte i angazhuar dhe merrej edhe me futboll. Ai luante me ekipin e moshave të U-15, me ekipin e FC Dinamo City.
