Ish-konkurrentja e “Ferma VIP”, Vanesa, ishte së fundmi e ftuar në emisionin “Uëtëfë Show”, ku foli hapur për raportin që krijoi brenda fermës me Indrin dhe zhvillimet që pati pas daljes nga formati.
Gjatë intervistës, Vanesa u shpreh se pavarësisht zhgënjimit që ka përjetuar, ajo e respekton vendimin e marrë nga Indri, edhe pse ende nuk i ka të qarta arsyet që e shtynë drejt këtij hapi.
“Vendimin që ai ka marrë unë e respektoj. Arsyet i di ai. Nuk është e bukur normalisht, është diçka që askush s’do ndihej mirë, por është vendimi i tij dhe është në rregull (për mua). Indrin unë e besoj që ka pasur pëlqim, siç e kam thënë edhe brenda. Besoj se ka pasur edhe probleme, që s’mundem as unë, asnjë njeri t’i kuptojë përderisa nuk e di historinë e tij. Por unë jam një njeri që jepem 100%”, u shpreh ajo.
Vanesa u ndal edhe te letra që bëri buj në rrjetet sociale, duke treguar se kishte dijeni për përmbajtjen e saj dhe për këtë arsye nuk ishte surprizuar kur mori vesh për ekzistencën e saj.
Ajo u shpreh se fillimisht ishte e ftuar të merrte pjesë në program për përballjen me dy vajza, ftesë të cilën e kishte refuzuar. Vetëm më vonë, sipas saj, ishte vënë në dijeni për ekzistencën e letrës.
“Unë e dija përmbajtjen e letrës, ndaj nuk më erdhi si shok. Nuk më pëlqeu normalisht. Ishin gjëra të thëna në atë letër që nuk e di sa prej tyre ishin me vend. Ajo që kam thënë në statusin tim, unë e kam thënë përciptas, por po e sqaroj. Unë jam thirrur ditën e enjte për të qenë pjesë e programit ditën e premte, por jo për Indrin. Jam thirrur për të pasur një ballafaqim me dy vajza, por unë e kam refuzuar. Më vonë më është thënë për ekzistencën e letrës. E marr vesh ekzistencën e letrës ditën e premte. Nuk kam shkuar ditën e premte, normalisht, sepse s’kisha arsye pse, nuk e ndieja;
Ditën e hënë vendosa të mos shkoja, sepse disa hije të mia të dyshimit u vërtetuan. E para, e gjithë situata, të shkruarit e një letre në një mënyrë të nxituar, mënyra si po organizohej… Fillimisht mu tha t’i bëja një surprizë Indrit ditën e premte, të kisha ballafaqimin me vajzat dhe një surprizë për Indrin. Unë, si Vanesa, e kam ndier si një lloj gjëje jo të sinqertë; Nuk doja të gjendesha para një situate që dukej si kurth, të gjendesha e papërgatitur,” u shpreh ajo.
