Një ndeshje plot emocione dhe përmbysje dramatike u zhvillua pasditen e sotme në “Niko Dovana”, ku Partizani arriti një fitore të madhe 3-2 ndaj Teutës, pas një pjese të parë të dominuar nga durrsakët.
Teuta e nisi fuqishëm takimin, duke kaluar në epërsi me Macollin në minutën e 32-të dhe Tolën në të 40-ën, duke mbyllur pjesën e parë me avantazh 2-0. Mirëpo, pjesa e dytë solli një tjetër histori: “Të kuqtë” e Miranda reaguan me forcë dhe vendosmëri.
Heroi i ndeshjes ishte Contreras, i cili realizoi një dopietë brenda pak minutash (58’ dhe 66’), duke barazuar rezultatin në 2-2, përpara se Toma të vuloste përmbysjen në minutën e 86-të për 2-3.
Partizani, megjithë vështirësitë dhe kartonin e kuq të Contrerasit në minutën e 76-të, arriti të ruajë epërsinë dhe të marrë një fitore të artë në garën për kreun e Kategorisë Superiore.
