Ditën e sotme vendi ynë do të jetë në ndikim të masave ajrore të paqëndrueshme. Moti parashikohet të jetë me vranësira mesatare deri të dendura.
Reshje shiu të herëpashershme me intensitet kryesisht të ulët që në orët e para të 24-orëshit në pjesën më të madhe të territorit e lokalisht deri mesatar.
Pas orëve të mëngjesit gradualisht reshjet e shiut do të humbasin intensitet dhe territor, duke u lokalizuar vetëm përgjatë relieveve malore të vendit me intensitet të ulët deri në orët e mbrëmjes.
Temperatura maksimale do të jetë 19 gradë Celcius në qytetet e Durrësit, Tiranës dhe Fierit. Ndërsa temperatura minimale do të jetë 5 gradë Celcius në Bajram Curr dhe Kukës.
Era me drejtim nga kuadrati veriut me shpejtësi mesatare deri në 8m/sek, në zonat luginore dhe përgjatë vijës bregdetare era fiton shpejtësi deri në 18m/sek.
Deti – Valëzimi në detet Adriatik dhe Jon i forces 2-4 ballë.
