Pamjet katastrofike nga Gjiri i Atlantikut, veçanërisht nga Xhamajka, po shikohen këtë javë pas goditjes nga uragani “Melissa”. Ky uragan, i cili arrin shpejtësi prej 300 km/h, është shpallur si “Uragani i shekullit” dhe është i dyti më i fuqishëm në histori, pas një tjetër stuhie të ndodhur rreth 170 vjet më parë.
“Melissa” goditi kryeqytetin Kingston rreth orës 19:00, duke sjellë shkatërrim të menjëhershëm në zonat përreth. Meteorologët raportojnë për shira të rrëmbyeshëm që arrijnë deri në 400 milimetra, erëra të forta dhe përmbytje masive. Autoritetet vendase kanë paralajmëruar se “më e keqja akoma s’ka ardhur”, duke e bërë situatën edhe më dramatike për banorët dhe për ndihmësit emergjentë.
Sipas raportimeve, rreth 150,000 banorë kanë marrë urdhra për evakuim. Ky është një moment i veçantë, pasi Xhamajka nuk ka përjetuar një uragan të tillë për më shumë se një dekadë dhe asnjëherë një stuhi të Kategorisë 5. Një organ i Kombeve të Bashkuara ka përshkruar “Melissën” si “stuhinë e shekullit”, ndërsa Kryqi i Kuq Ndërkombëtar njoftoi se deri tani stuhia ka marrë disa jetë dhe mund të prekin mbi 1.5 milion njerëz.
Situata në qytet është alarmante; rrugët janë të boshatisura dhe shumë banorë kanë preferuar të qëndrojnë në shtëpi, në vend të strehimit në qendrat emergjente. Vetëm dy nga 50,000 vendet e përgatitura për strehim janë mbushur deri tani, duke provuar që frika ka ndikuar në vendimet e shumë individëve.
Pamjet që po qarkullojnë në media dhe rrjetet sociale tregojnë për shkatërrimin dhe panikun që ka përfshirë Xhamajkën. Përballë asaj që po e quajnë “stuhia e shekullit”, banorët dhe autoritetet po angazhohen maksimalisht për t’iu përballur situatës së rrezikshme që po vazhdon të evoluojnë.
