Në qytetin Guayaquil të Ekuadorit, janë publikuar pamjet e ekzekutimit të futbollistit Mario Pineda, një mbrojtës 33-vjeçar i Barcelona Sporting Club, i cili u qëllua për vdekje në një zonë urbane.
Ngjarja e rëndë ndodhi gjatë një sulmi të armatosur, ku Pineda dhe bashkëshortja e tij ishin objekt i dy personave me armë në dorë.
Pamjet, të kapura nga një kamerë sigurie, tregojnë momentin kur dy sulmuesit e qëlluan atë. Ngjarja është bërë e ditur përmes një postimi në rrjetet sociale, duke shkaktuar një valë zemërimi dhe trishtimi mes tifozëve dhe komunitetit sportiv.
Autoritetet lokale kanë nisur një hetim në përpjekje për të zbuluar detaje mbi rrethanat e ngjarjes, por deri më tani nuk ka informacione të mjaftueshme rreth autorëve të krimit ose motivit që i çoi ata në një veprim kaq ekstrem.
