Presidentja e Kosovës, Vjosa Osmani është takuar këtë të martë me zv.presidentin amerikan, JD. Vance.
Presdienca e Kosovës ka njoftuar lajmin përmes një postimi në “Facebook”, teksa ka dhënë edhe disa detaje rreth diskutimeve në takim. Faqja e Presidencës ka ndarë gjithashtu foto të këtij takimi, ku Osmani dhe Vance duken të buzëqeshur.
Mësohet se Osmani shprehu mirënjohjen e thellë për aleancën me SHBA-të. Presidentja ka konfirmuar përkushtimin për thellimin e bashkëpunimit mes dy vendeve në fusha të interesit të përbashkët.
“Në Paris, Presidentja Osmani takoi Zëvendës Presidentin amerikan J.D. Vance. Me këtë rast, ajo shprehu mirënjohjen e thellë për aleancën me SHBA-të, duke konfirmuar përkushtimin për thellimin e bashkëpunimit në fusha të interesit të përbashkët”, thuhet në njoftimin e presidencës.
Presidentja Osmani është takuar me Vance në darkën e shtruar nga homologu i saj francez Emmanuel Macron në pallatin Elysee, krahas liderëve të tjerë, drejtues të organizatave ndërkombëtare dhe figura të shquara nga sektori privat.
