Bota mund të ndryshojë mënyrën se si e shohim në hartë. Asambleja e Përgjithshme e OKB-së ka votuar në favor të një rezolute që promovon përdorimin e një harte më të saktë për përmasat relative të kontinenteve.
Rezoluta, e mbështetur nga vendet afrikane, mori 164 vota pro. Shtetet e Bashkuara votuan kundër, ndërsa gjashtë vende abstenuan.
Në qendër të debatit është projeksioni i famshëm Mercator, i përdorur prej shekujsh, i cili i paraqet zonat pranë poleve shumë më të mëdha nga sa janë në realitet. Për këtë arsye, Afrika duket shumë më e vogël në hartat tradicionale.
Në realitet, Afrika është rreth 14 herë më e madhe se Groenlanda, edhe pse në hartën Mercator të dyja mund të duken me përmasa të ngjashme.
Rezoluta nuk është detyruese, por synon të nxisë përdorimin e hartave që pasqyrojnë më saktë madhësinë reale të kontinenteve.
