Kryetari i Kuvendit, Niko Peleshi, ka firmosur një urdhër për zhvillimin e një seance ditën e hënë, më 27 korrik, në orën 10:00, duke rikthyer deputetët në Kuvend.
Sipas rendit të ditës, pika e parë do të jetë miratimi i procesverbalit të seancës plenare të zhvilluar më 23 korrik 2026, në përputhje me nenin 44, pika 2, të Rregullores së Kuvendit.
Më pas, deputetët do të shqyrtojnë projektvendimin “Për një ndryshim në vendimin nr. 87/2026, ‘Për caktimin e anëtarëve zëvendësues në përbërjen e komisioneve të përhershme të Kuvendit’, i ndryshuar”.
Projektvendimi do të votohet me shumicë të thjeshtë, në mbështetje të nenit 78, pika 1, të Kushtetutës dhe neneve 21/1 dhe 55, pika 1, të Rregullores së Kuvendit.
