Një arbust i veçantë ka arritur moshën 1,647 vjeçare, duke u shpallur si bima më e vjetër në kontinentin evropian, duke e tejkaluar për më shumë se 4 shekuj të gjitha pemët e njohura deri tani. Bëhet fjalë për një ginepro të zakonshëm që rritet në veriun e Laponisë, në Finlandë. Ky zbulim është publikuar në revistën Ecology dhe është rezultat i një grupi kërkuesish ndërkombëtarë të udhëhequr nga Marco Carrer nga Universiteti i Padovës.
Ginepri (dëllinja) është specie e drurëve më të përhapur në planetin tonë, shpjegon Carrer: “Ginepri gjendet nga niveli i detit deri në kufijtë më të lartë të vegjetacionit, nga Alaska në Etna, nga Japonia në Skoci. Është një specie jashtëzakonisht e shumëllojshme – vazhdon kërkuesi – e aftë të tolerojë temperatura të nxehta dhe thatësirë, si dhe kushte shumë të ftohta pranë akujve.” Dhe nga sot, kësaj njohjeje i shtohet edhe titulli i arbustit më të vjetër në botë.
