Pushuesit në Dhërmi janë gjendur përballë një skene si në filma aksion, por fatkeqësisht e vërtetë dhe krejt shqiptare. Një sherr masiv me grushte e shkelma ka shpërthyer pranë një hoteli të njohur, ku protagonistë janë emra të njohur nga bota e politikës dhe shoëbiz-it.
Në këtë përleshje Maska.al mëson se janë përfshirë nipi i ish-deputetit Mark Frroku, Leon Frroku, djemtë e ish-Miss Shqipëria Valbona Selimllari, Deni dhe Keni, si dhe një i afërm i ish-ministrit Lefter Koka (djali ose nipi). Ngjarja ndodhi para syve të turistëve të huaj dhe pushuesve vendas, të cilët nuk po kuptonin nëse ishin në resort apo në ndonjë serial Netflix.
Skena është publikuar nga JOQ, që ka shpërndarë një video ku shihen të rinjtë duke goditur njëri-tjetrin pa mëshirë. Ndërkohë, qytetari që e ka dërguar videon, shprehet:
“JOQ përshëndetje, ja ku është një video teksa disa të rinj përfshihen në një debat të fortë te një hotel në Dhërmi, çfarë tmerri për pushuesit dhe turistët e huaj që ikin për pushime dhe për t’u kënaqur, është degjenerim shqiptar. Anonim të lutem.”
Deri më tani, policia s’ka nxjerrë asnjë pipth për ngjarjen, ndërkohë që Dhërmiu vazhdon të jetë arenë për shfaqje të tilla ku dhuna zë vendin e relaksit.
