Erion Braçe, pas largimit jo të dëshiruar nga Divjaka, do të drejtojë njësinë 5 në Tiranë.
Në mbledhjen e njësisë 5 të Partisë Socialiste, ai u prezantua nga kryeministri Edi Rama.
Fillimisht, Erion Braçe ka ngulmuar për të qëndruar në Divjakë për të vijuar shumë punë të nisura.
Megjithatë ai i është përgjigjur pozitivisht kërkesës së Ramës për t’iu bashkuar skuadrës së PS Tiranë.
Erion Braçe: Unë e kam shumë të vështirë t’i lë njerëzit në mes të rrugës, shumë e thjeshtë, e kam po kaq të vështirë që të fshij atë që është puna ime dhe të fillojmë një gjë nga e para.
Është më shumë se sa një karrige. Ka qenë shumë e vështirë për ta pranuar, është e vështirë për të lënë njerëzit.
