Ish-banorja e “Big Brother VIP Albania 5”, Armela Hyseni, ka surprizuar publikun me disa deklarata pikante gjatë intervistës së saj përballë Mateo Borrit në emisionin “Top Arena”. Teksa iu përgjigj pyetjeve të moderatorit, Armela zbuloi se vite më parë kishte marrë mesazhe nga superylli brazilian i futbollit, Neymar. Sipas saj, futbollisti i kishte shkruar në rrjetet sociale në kohën kur ishte pjesë e PSG-së dhe madje e kishte ftuar ta takonte në Paris.
“Para shumë vitesh më ka shkruar Neymar. E kam ende në telefon. Atëherë luante me PSG dhe më ftoi edhe për ta takuar në Paris”, u shpreh ajo. Intervista vijoi me pyetje rreth futbollistëve më tërheqës, ku Armela pranoi se së fundmi arbitrat i duken më simpatikë se vetë lojtarët, duke veçuar arbitrin slloven Slavko Vinčić.
Një tjetër moment që tërhoqi vëmendje ishte loja ku duhej të zgjidhte një futbollist për martesë, një për darkë dhe një për bllok. Pa hezitim, Armela tha se do të martohej me Cristiano Ronaldon, duke e cilësuar si “husband material”, do të dilte për darkë me Michael Olise, ndërsa Neymarin do ta bllokonte. Po ashtu, ajo konfirmoi se ka marrë mesazhe edhe nga futbollistë që kanë qenë në lidhje, por zgjodhi të mos zbulojë emra, duke lënë vend për shumë kuriozitet mes ndjekësve.
