Leon Goretzka do ta mbajë mend gjatë ndeshjen ndaj Mainz, pasi për herë të parë do të udhëheqë Bayern Munich në fushë me shiritin e kapitenit.
Bavarezët e kanë siguruar tashmë titullin në Bundesliga dhe nuk kanë më objektiva në kampionat, ndaj trajneri Vincent Kompany pritet të bëjë disa ndryshime të mëdha në formacion. Vëmendja kryesore e klubit është te sfida e rëndësishme e Champions League ndaj Paris Saint-Germain.
Me lojtarë si Manuel Neuer, Harry Kane, Jonathan Tah dhe Joshua Kimmich jashtë skuadrës, shiriti i kapitenit do t’i kalojë Goretzka. Për mesfushorin gjerman, ky është një moment i veçantë, edhe pse me shumë mundësi do të jetë i vetëm, pasi kontrata e tij me Bayern pritet të mos rinovohet.
Goretzka ka mbajtur më parë shiritin e kapitenit te Schalke dhe me kombëtaren gjermane, por kjo do të jetë hera e parë që e bën këtë me fanellën e Bayern Munich.
