Një nga ndeshjet më të bukura të këtij edicioni në Serie A është zhvilluar ditën e sotme pa dyshim. Napoli ka arritur të fitojë mes golave të shumtë ndaj Berat Gjimshitit.
Atalanta e hapi serinë me Reteguin që në fillim, në minutën e 16-të. Politano që tashmë ka më shumë hapësira pas largimit të “yllit” gjeorgjian shpërbleu besimin e Contes dhe barazoi në minutën e 27-të.
Mesfushori skocez që ka gjetur veten më së miri në fanelën blu, McTominay realizoi për t’i dhënë avantazhin napoletanëve, për të përmbysur gjithçka dhe për të çuar Napolin në dhoma me fitoren momentale.
Lookman, lojtari afrikan më i mirë i vitit nuk mungoi në shoë. Nigeriani dribloi 5 futbollistë dhe shënoi një realizim mjaft të veçantë në minutën e 55-të. Vazhdimi i ecurisë pozitive që të dy sulmuesve të bergamaskëve është një fakt që kënaq Gasperinin përtej ikjes së 3 pikëve.
Gjimshiti luajti mirë dhe mori një karton të verdhë, në një natë ku mbrojtja sihte në hije pasi sulmi mori detyrat përsipër dhe eklipsoi legjionarin dhe “dardanin” Rrahmanin. Lukaku bëri “heroin” për Conten dhe i dha fitoren miqve në minutën e 78-të.
Napoli shkon në 50 pikë dhe shton diferencën me Interin, nga 3 në 6 pikë. Zikaltërit kanë 2 sfida minus, ndaj jo çdo gjë është mbyllur për klubin e Amirit. Atalanta sheh tani Juventusin t’i vijë nga mbrapa, pasi diferenca me jugorët e Napolit bëhet 7 pikë dhe paksa e pamundur.
