Këngëtari i njohur shqiptar Shemsi Krasniqi, i njohur si Shemi, ka ndërruar jetë mbrëmjen e djeshme. Ai ishte vokalisti i grupit legjendar “Ilirët” dhe këtë lajmi i hidhur është konfirmuar nga media online Reporteri, duke tronditur botën e artit dhe muzikës shqiptare.
Shemi është gjetur pa shenja jete në banesën e tij në Prishtinë, nga një grua që ishte angazhuar për të pastruar shtëpinë.
Ajo ka shquar menjëherë gjendjen shëndetësore të artistit dhe është përpjekur t’i japë ndihmën e parë, por kur ka dalë për ujë, dera e banesës ka mbetur e mbyllur pas saj, duke i pamundësuar kthimin.
Pas kësaj, Policia ka ndërhyrë për të hapur derën dhe kur ka mbërritur Njësia e Emergjencës, ka konstatuar se artisti kishte ndërruar jetë.
Hetimet paraprake nuk kanë zbuluar shenja dhune, por ka pasur një detaj tjetër që ka ngritur dyshime: një paketë e zbrazët e një pilule për stimulim seksual është gjetur në xhepin e xhaketës së tij. Kjo ka çuar në spekulime për një infarkt të mundshëm si rezultat i përdorimit të këtij bari.
Shemi është njohur si një nga zërat më të dashur dhe më përfaqësues të muzikës tradicionale shqiptare, me një interpretim unik që e bëri këngën “Xhamadani vija-vija” një simbol kombëtar që lidh brezat.
Ai la pas një trashëgimi të vyer në muzikën shqiptare dhe ndikimi i tij do të vijojë të kujtohet, duke e bërë këtë ndarje një humbje të madhe për artin shqiptar.
