Kryeministri Edi Rama, përmes një postimi në rrjetet sociale shprehet se muaji Prill ka shënuar një rekord pozitiv për turizmin shqiptar.
Në postimin e tij të shoqëruar me shifra konkrete, Rama shkruan se 891,414 vizitorë të huaj kanë vizituar Shqipërinë muajin e kaluar, një rritje prej +8.8% krahasuar me prillin e një viti më parë.
Referuar postimit të kreut të qeverisë, shtetet me rritjen më të lartë të numrit të turistëve janë Danimarka, Italia, Polonia, Franca, Kanadaja, Mbretëria e Bashkuar e deri te SHBA.
Sipas tij, të huajt po zgjedhin Shqipërinë për natyrën, kulturën, bregdetin dhe mikpritjen autentike.
Postimi i plotë:
Prilli 2026 shënoi një tjetër rekord pozitiv për turizmin shqiptar, me 891,414 vizitorë të huaj, një rritje prej +8.8% krahasuar me prillin 2025.
Nga Danimarka, Italia, Polonia, Franca, Kanadaja, Mbretëria e Bashkuar e deri te SHBA, gjithnjë e më shumë turistë po zgjedhin Shqipërinë për natyrën, kulturën, bregdetin dhe mikpritjen autentike.
+266.1% nga Lituania
+265.4% nga Danimarka
+81.1% nga Polonia
+52.5% nga Spanja
+37.3% nga Kanadaja
+28.7% nga SHBA
+25% nga Belgjika
+22.8% nga Franca
+20% rritje nga Italia
+11.2% nga Mbretëria e Bashkuar.
