Një aksident i rëndë rrugor është regjistruar pasditen e sotme në aksin “Fier i Ri–Ngurrëz” ku një motomjet ka dalë nga rruga.
Motomjeti drejtohej nga shtetasi me iniciale E. T., 47 vjeç, i cili si pasojë e aksidentit ka pësuar dëmtime të rënda.
I plagosuri është transportuar me urgjencë në Spitalin e Traumës në Tiranë, ku po merr ndihmën e nevojshme mjekësore.
“Rreth orës 16:45, në aksin rrugor “Fier i Ri–Ngurrëz”, motomjeti që drejtohej nga shtetasi E. T., 47 vjeç, ka dalë nga rruga. Si pasojë, 47-vjeçari ka pësuar dëmtime të rënda dhe është transportuar në Spitalin e Traumës për ndihmë mjekësore.
Grupet hetimore ndodhen në vendngjarje dhe po punojnë për sqarimin e plotë të rrethanave dhe shkaqeve të këtyre aksidenteve.”– njofton policia.
