Një ngjarje dramatike ka ndodhur në një stacion hekurudhor në Bangladesh, ku një foshnjë ka rënë nga platforma në momentin që po kalonte një tren.
Në një video të regjistruar nga një pasagjer, shihet babai i fëmijës që reagon menjëherë, duke u hedhur mbi foshnjën dhe duke e mbuluar me trupin e tij, ndërsa qëndron i palëvizur teksa treni kalon mbi ta.
Pamjet tregojnë momentet e tensionit ekstrem, ndërsa disa vagonë kalojnë njëri pas tjetrit mbi vendin ku ndodheshin të dy.
Sipas mediave lokale, rreth tetë vagonë kaluan mbi ta, por pavarësisht situatës tepër të rrezikshme, si babai ashtu edhe foshnja kanë shpëtuar pa lëndime.
