Alexis Saelemaekers i ka bindur të gjithë te Roma, ndaj klubi verdhekuq po tenton të blejë kartonin e tij, por ardhja së fundmi e Conceiçao-s në krye të stolit të Milanit mund ta ndryshojë situatën.
Portugezi dëshiron ta ketë në ekip anësorin belg për sezonin e ri, pasi e sheh si lojtarin ideal për skemën 4-4-2 që synon ta aplikojë te kuqezinjtë.
Saelemaekers u shkëmbye kokë më kokë me Tammy Abraham në merkaton e verës së kaluar, por paraqitjet e belgut me Romën e kanë bërë Conceiçao-n të kërkojë rikthimin e tij.
