Bundesliga ka shpallur fituesit e çmimeve mujore, dhe siç pritej, nderi i madh ka shkuar te një lojtar i Bayern Munich, skuadra që aktualisht po kalon një formë të jashtëzakonshme.
Anësori francez Michael Olise është zgjedhur Lojtari i Muajit në Bundesliga për nëntorin. Gjatë muajit të kaluar, Olise luajti në katër ndeshje të kampionatit, duke shënuar dy gola dhe dhënë tre asistime — të gjitha në ndeshjen kundër Freiburg — duke u shndërruar në një nga figurat kryesore të ekipit bavarez.
Sezoni aktual ka qenë gjithashtu mbresëlënës për të: në 23 paraqitje në të gjitha kompeticionet, Olise ka regjistruar 9 gola dhe 14 asistime.
Kujtojmë se francezi iu bashkua Bayernit në verën e vitit 2024 nga Crystal Palace. Deri tani, ai ka grumbulluar 79 ndeshje, duke shënuar 29 gola dhe duke dhënë 37 asistime për kampionët e Gjermanisë.
