Tensionet u ndezën edhe më shumë pas përplasjes Benfica–Real Madrid. Legjenda holandeze Wesley Sneijder ka sulmuar ashpër Nicolás Otamendin, duke e quajtur gjestin e tij me tatuazhin e Kupës së Botës një provokim fëmijëror.
Detaje: Ish-mesfushori i Holandës, 41-vjeçari Wesley Sneijder, hodhi akuza të forta ndaj 38-vjeçarit Nicolás Otamendi, kapiten i Benficës dhe mbrojtës i Argjentinës.
Gjatë një shkëmbimi të nxehtë me Vinícius Júnior, Otamendi ngriti fanellën për të treguar një tatuazh të trofeut të Kupës së Botës, që e fitoi me Argjentinën në vitin 2022. Me këtë veprim, ai po e “thumbonte” Vinín, duke nënvizuar se braziliani nuk e ka një trofe të tillë.
Por sipas Sneijder, gjesti ishte i pakuptimtë dhe qesharak:
“Çfarë bëri Otamendi ishte jashtëzakonisht fëmijërore. A është mirë nga mendja? Ai po humbte fjalë për fjalë 1-0.
Dhe po të isha Vinícius, do t’i kisha thënë: ‘Messi ta fitoi atë Botëror, ti s’ke pasur asnjë meritë aty.’
Dhe pse ia bën këtë një lojtari të Realit? A e kupton sa Champions League ka fituar Vinícius? Dhe ai i tregon trofe?”, shpërtheu Sneijder.
