Protesta qytetare kundër kryeministrit Edi Rama është shoqëruar edhe me elementë të fortë simbolikë.
Gjatë tubimit të sotëm, protestuesit sollën një krevat të mbështjellë me flamurin kombëtar dhe duke e vendosur në shkallët e Kryeministrisë, duke e përdorur si simbol të banesave bosh në Shqipëri.
Sipas tyre, ky element përfaqëson largimin masiv të qytetarëve nga vendi gjatë viteve të fundit.
Protestuesit e lidhin gjithashtu simbolin e krevatit bosh me situatën e tregut të banesave në vend, duke deklaruar se shumë familje nuk arrijnë të blejnë shtëpi për shkak të rritjes së lartë të çmimeve. Sipas tyre, kjo situatë është ndikuar edhe nga pastrimi i parave në sektorin e ndërtimit.
Krevati bosh, i shoqëruar me një flamur shqiptar, u vendos në shkallët e godinës së Kryeministrisë si mesazh proteste.
