Mikel Merino është rikthyer në stërvitje me Arsenal pas katër muajsh jashtë fushave për shkak të një dëmtimi në këmbë.
Mesfushori spanjoll kishte pësuar një frakturë nga stresi dhe mungoi në 25 ndeshje me skuadrën londineze. Megjithatë, rikthimi i tij para finales së Champions League ndaj PSG i jep shpresa edhe Luis de la Fuente për ta përfshirë në listën e Spanjës për Botërorin 2026.
“Që nga momenti kur u dëmtova, fokusi im i vetëm ka qenë të luftoj sa më shumë për të qenë gati për Botërorin. Jam gati dhe shpresoj të ndihmoj kombëtaren në qershor dhe korrik”, u shpreh Merino për Movistar+.
Rikthimi i tij vjen në një moment të rëndësishëm edhe për Spanjën, që tashmë ka humbur Fermín López për shkak dëmtimi.
Tani mbetet për t’u parë nëse De la Fuente do ta përfshijë Merino në listën përfundimtare, por sinjalet e para pas rikthimit në stërvitje janë pozitive.
