Ministri i Brendshëm, Ervin Hoxha para se të futej në ambietnet në Kuvend u pyet nga gazetarët për mungesën e masave policore në protestën e punonjësve të Bashkisë së Tiranës para godinës së GJKKO. Protesta u mbajt para godinës së GJKKO gjatë vlerësimit të masave të sigurisë ndaj kryebashkiakut Erion Veliaj dhe 7 të tjerëve.
Ministri gjatë fjalës së tij Hoxha u shpreh se protesta ishte e pa paralajmëruar. Ai theksoi se u bë një grumbullim i paparalajmëruar dhe se në rastet e tjera ka pasur lajmërim te Policia e Shtetit. Ministri Hoxha tha se ata ishin simpatizantë dhe jo protestues.
“Protesta ishte e paparalajmëruar. Janë dy raste të ndryshme, çështje të ndryshme. U bë një grumbullim i paparalajmëruar, në rastet e tjera ka pasur lajmërim te Policia e Shtetit. Ishin simpatizantë dhe jo protestues. Kur shkon Berisha njofton, ndaj ka edhe polici”, tha Hoxha.
