Ka nisur zyrtarisht sezoni 2025 në MotoGP, ku në pistën e Burinam u zhvillua gara sprint, e vlefshme për Çmimin e Madh të Tajlandës. Fitues doli një nga ikonat e këtij sporti, spanjolli Marc Marquez me Ducati.
Marquez arriti të dominojë në pistë përgjatë 13 xhirove, duke krijuar një epërsi që në fillim dhe e ruajti atë deri në fund. Në vendin e dytë u ngjit vëllai i tij Alex Marquez me motorin Ducati Gresini.
Podium kompletohet edhe me italianin e Ducatit tjetër zyrtar, Francesco Bagnaia (i treti), cka konfirmon dominimin e motorit italian. Mungoi në këtë garë kampioni i botës në fuqi Jorge Martin me Aprilia (i dëmtuar).
