E ardhmja e Marc Guéhi ka marrë një kthesë të papritur. Kapiteni i Crystal Palace ka njoftuar Liverpoolin se marrëveshja e arritur verën e kaluar për një transferim në 2026 nuk është më e vlefshme, duke vënë në rrezik planet e “The Reds”.
Sipas IndykailaNews, mbrojtësi 25-vjeçar i kombëtares angleze u ka bërë të ditur drejtuesve të Liverpoolit se dëshiron kushte më të mira kontraktuale. Raportohet se agjenti i Guéhi ka udhëtuar drejt Liverpoolit për të zhvilluar bisedime të reja dhe për të negociuar një ofertë të përmirësuar.
Përveç Liverpoolit, interesim për Guéhi ka edhe nga Real Madrid, Barcelona, Arsenal dhe Bayern Munich. Edhe pse Liverpool konsiderohej favorit falë marrëveshjes së verës, zhvillimet e fundit e kanë ndryshuar ndjeshëm situatën.
Këtë sezon, Guéhi ka zhvilluar 25 ndeshje me Crystal Palace, duke shënuar 2 gola dhe dhënë 4 asistime. Kontrata e tij me klubin londinez skadon në korrik 2026, ndërsa vlera e tij në treg, sipas Transfermarkt, vlerësohet rreth 55 milionë euro.
