Mbrojtësi i Barcelonës dhe kapiteni Ronald Araújo ka folur për herë të parë hapur për vështirësitë e tij me shëndetin mendor. Në një intervistë ekskluzive për Mundo Deportivo, uruguajani tregoi se për një periudhë të gjatë ka qenë në gjendje të rënduar, por e mbante të fshehtë për të ruajtur imazhin e lojtarit “të fortë”.
“Për një vit e gjysmë, kam jetuar me ankth, i cili u kthye në depresion. Dhe unë vazhdova të luaja në atë gjendje,” tha Araújo. Sipas tij, ndjente se e kishte “humbur veten” jo vetëm në fushë, por edhe në jetën personale.
Pika e kthesës erdhi pas një kartoni të kuq në ndeshjen kundër Chelsea-t në Londër më 25 nëntor, kur ai kuptoi se nuk mund ta përballonte më i vetëm dhe duhej të kërkonte ndihmë profesionale. Araújo theksoi se rrëfimi i tij është një mesazh që futbollistët duhen parë si njerëz para gjithçkaje.
“Ne nuk jemi vetëm para dhe famë. Edhe ne vuajmë. Unë jam tip që i mbaj gjërat brenda, por është e rëndësishme të ngrish dorën në kohë dhe të thuash: diçka po më ndodh, kam nevojë për profesionistë,” u shpreh ai. Pas një pauze të detyruar dhe punës me psikologë, ai u rikthye në skuadër dhe madje shënoi edhe gol në ndeshjen ndaj Albacete.
