Kanë përfunduar disa nga ndeshjet e kthimit për play-offet në Ligën e Kombeve. Në “Budapest”, Turqia fitoi 0-3 ndaj Hungarisë duke siguruar biletën për në Ligën për sezonin e ardhshëm, ndërsa hungarezët zbresin në Ligën B.
Golat e takimit për turqit u shënuan nga Calhanoglu me penallti në minutën e 37-të, Arda Guler dy minuta më vonë dhe në fund të pjesës së dytë me Bardakci. Rezultati i përgjithshëm 6-1 për Turqinë.
Në “Glasgoë”, Greqia përmbysi humbjen 0-1 në ndeshjen e parë në Athinë dhe sot fitoi në transfertë 0-3, duke siguruar biletën për në Ligën A, ndërsa skocezët do të zbresin në Ligën B. Edhe Serbia do të luajë në Ligën A në sezonin e ardhshëm të Ligës së Kombeve, pasi mundi Austrinë 2-0. Ndeshja e parë kishte përfunduar në barazim 1-1.
Gjeorgjia fitoi 6-0 ndaj Armenisë në Tbilisi, rezultat i përgjithshëm 9-1. Gjeorgjia do të luajë sezonin e ri po në Ligën B, ndërsa Armenia do të mbetet po në Ligën C. Në play-offin tjetër po për këtë Ligë, Sllovenia dhe Sllovakia shkojnë në kohën shtesë. Rezultati i të dyja takimeve përfundoi 0-0. Aktualisht po luhet koha shtesë prej 30 minutash dhe Sllovenia udhëheq 1-0. Në rast se ndeshja mbaron kështu, Sllovenia do mbetet në Ligën B, Sllovakia në Ligën C.
