Parlamenti i Libanit ka miratuar heqjen e dënimit me vdekje, duke e zëvendësuar atë me burgim të përjetshëm dhe punë të detyruar në rrethana rënduese.
Me këtë ndryshim, Libani bëhet vendi i parë në botën arabe që ndërmerr një hap të tillë në legjislacionin penal.
Ndryshimi ligjor u miratua me një shumicë dërrmuese në parlament, ndërsa blloku parlamentar i Hezbollahut votoi kundër.
Edhe pse në Liban nuk është kryer asnjë ekzekutim që prej janarit të vitit 2004, gjykatat kanë vijuar të japin dënime me vdekje ndër vite. Vendi kishte vendosur prej dekadash një moratorium de facto, duke mos i zbatuar ekzekutimet, por pa e hequr dënimin kapital nga legjislacioni.
