Policia turke ka arrestuar 18 punonjës të bashkisë së Stambollit nën akuzat për ryshfet, duke zgjeruar goditjen ndaj opozitës dhe kryetarit të burgosur të metropolit turk, Ekrem Imamoglu.
Kundërshtari kryesor i Presidentit Rexhep Tajip Erdogan, Imamoglu, u burgos në mars në pritje të gjyqit për akuza për korrupsion, duke shkaktuar protestat më të mëdha në Turqi në një dekadë. Mbështetja popullore për Imamoglun është rritur më shumë që atëherë, mbi atë të Erdoganit, siç tregojnë sondazhet.
Kjo valë e fundit arrestimesh, e bërë si pjesë e një hetimi mbi tenderët bashkiakë, ka të bëjë me stafin e kompanive të medias dhe kulturës të bashkisë së Stambollit, përfshirë kreun e departamentit të medias, shpjegoi media turke TRT Haber. Rrjeti shtetëror turk shtoi se janë lëshuar urdhër-arreste për gjithsej 22 punëtorë, nga të cilët 18 janë arrestuar deri më tani.
Kryetari i bashkisë së Stambollit i ka mohuar të gjitha akuzat kundër tij. Arrestimi i tij shkaktoi trazira ekonomike dhe akuza për një gjyqësor të politizuar, të cilat qeveria i mohon, duke argumentuar se gjyqtarët janë të pavarur.
