Këshilli Ndërfetar i Shqipërisë (KNFSH), i përbërë nga pesë komunitetet fetare kryesore në vend shprehu shqetësim për disa nene dhe përkufizime të ligjit që, sipas tyre, bien ndesh me parimet teologjike dhe traditën shqiptare të familjes.
Konkretisht, kritikat lidhen me përdorimin e termit “gjini” si koncept gjithëpërfshirës, përdorimi i npcoioneve “identitet gjinor” dhe “shprehje gjinore”, të cilat, sipas deklaratës, krijojnë paqartësi ligjore dhe hapësira për keqinterpretim.
Komunitetet fetare riafirmuan rëndësinë e familjes tradicionale, të bazuar mbi dy gjinitë biologjike, burrë dhe grua, duke kërkuar që në projektligj termi “gjini” të lidhet qartë me përcaktimin biologjik në lindje.
Në deklaratë theksohet se mbështetja e përpjekjeve për përafrimin e legjislacionit shqiptar me direktivat e Bashkimit Evropian mbetet e pandryshuar, duke vënë në dukje se shumë shtete anëtare të BE-së vazhdojnë të përdorin një përkufizim binar të gjinisë.
KNFSH nënvizon se është i hapur për dialog e bashkëpunim me institucionet, me synimin për të ndërtuar një shoqëri të drejtë, të barabartë dhe të sigurt për brezat e ardhshëm.
