Humbja ndaj PSG-së mund të ketë lënduar krenarinë e Manchester Cityt, por reagimi i treguar nga lojtarët e Pep Guardiola-s pasi pësuan një gol pas vetëm 180 sekondash është për t’u vlerësuar.
Ashtu siç deklaroi edhe Erling Haalandpër BBC Match of the Day pas fitores 3-1:
“Mendoj se ishte një paraqitje e shkëlqyer në përgjithësi, edhe pse e nisëm shumë keq. Ishte një paraqitje fantastike nga ekipi dhe jam shumë i lumtur.
“Kur e fillon kështu është e vështirë, por ne luajtëm shumë mirë, vazhduam të shtynim dhe shtynim. Në pjesën e dytë ishte e njëjta gjë.
“Në fund të fundit kjo është ajo që duhet të bëjmë. Ne duhet të mbrohemi mirë dhe të vazhdojmë të sulmojmë”, tha norvegjezi.
Për golin e pësuar nga Madueke: “Erdhi kaq herët sa thuajse duket sikur e fillojmë ndeshjen me -1 gol. Mund të ndodhë, por është e rëndësishme të vazhdojmë të luftojmë. Për këtë bëhet fjalë, të ruash qetësinë. Kjo është ajo që ka rëndësi”.
Për asistin e Ederson: “Është diçka që ne e provojmë. Ne përpiqemi të fokusohemi në dhënien e hapësirës dhe Ederson tashmë më ka dhënë shumë asistime. Është koha e përsosur, sepse ai është shumë i saktë.”
Për Omar Marmoush: “E kam parë në Bundesliga. Do të jetë mirë të luaj me të. Mund ta shihni se ai ka diçka të veçantë. Mezi pres të luaj me të, do të jetë një periudhë shumë e bukur”.
