*Foto është ilustrim
Një ngjarje e rëndë ka ndodhur mbrëmjen e sotme në fshatin Bogdan të Beratit, ku një 57-vjeçar ka humbur jetën pas një plasje aksidentale me armë gjahu.
Sipas informacionit paraprak të dhënë nga autoritetet, rreth orës 21:00, shtetasi Th. K., 53 vjeç, dyshohet se ka qëlluar me armë gjahu me qëllim për të vrarë një kafshë të egër. Por, nga pakujdesia, plumbat kanë goditur shtetasin A. T., 57 vjeç, banues gjithashtu në fshatin Bogdan.
Për pasojë, A. T. ka pësuar plagë të rënda dhe ka ndërruar jetë në spital, pas përpjekjeve për t’i shpëtuar jetën. Shtetasi Th. K. është shoqëruar nga policia dhe po mbahet në ambientet e Drejtorisë Vendore të Policisë në Berat për veprime të mëtejshme.
Grupi hetimor është ende në vendngjarje dhe po vijon punën për të zbardhur rrethanat e plota të ngjarjes. Policia ka nisur hetimet për të përcaktuar shkaqet e këtij aksidenti tragjik dhe për të sqaruar çdo detaj tjetër që lidhet me ngjarjen.
