Kevin Hajrulla i cili mbeti i plagosur në fund të dhjetorit të vitit 2024 në një atentat në Vlorë ka dalë nga spitali i Traumës ku qëndroi për më shumë se një muaji. Hajrulla i shpëtoi mrekullisht atentatit ku u plagosu me 24 plumba.
I riu këmbëngul para hetuesve se nuk ka asnjë lidhje me botën e krimit. Nga atentati mbeti i plagosur një shitës që ndodhej aty pranë. Pas ngjarjes autorët u larguan në drejtim te fshatit Panaja, ku dhe kanë djegur automjetin e përdorur në plagosje. Brenda automjetit janë gjetur dy armë zjarri tip kallashnikov dhe dy krehër fishekë.
I riu i plagosur është kushëri i Inez Hajrulla që njihet si një prej bosëve të krimit në Vlorë dhe dyshohet se goditja ka ardhur pikërisht prej tij. Hajrulla mori drejtimin e grupit kriminal të Edison Arizajt pas vrasjes së këtij të fundit në Durrës në 2018. Inez Hajrulla është në përplasje të forta me Bernard Sinamatin që njihet si kreu i grupit kundershtar.
Sinamatit iu vra me snajper nipi Gëzimi në janar të 2024 teksa ndodhej në ballkonin e pallatit. Në 1 vjetorin e vrasjes së tij në varreza ishte vetëm nëna e të riut, por asnjë pjesëtar tjetër pasi të dyja grupet po ruhen nga njëri- tjetri.
Javët e fundit policia e Vlorës ka sekuestruar 3 automjete të blinduara të grupit të Inez Hajrullës, ndërsa këtë të fundit nuk e ka pyetur ende. Për atentatin ndaj Kevin Hajrulla policia nuk ka të dyshuar dhe provat nuk kanë qenë të mjaftueshme për të identifikuar autorët.
