Kryeministri i Kosovës, Albin Kurti, ka diskutuar në një intervistë me Grida Dumën mbi mandatin e tij katërvjeçar dhe synimin për ta qeverisur vendin edhe për një tjetër periudhë, pa nevojën e koalicioneve.
Duke folur për arritjet e qeverisjes së tij, Kurti theksoi se investimet kapitale kanë qenë në nivele rekord, duke përfshirë ndërtimin e rrugëve, shkollave dhe çerdheve.
Lidhur me emigracionin, ai deklaroi se numri i atyre që largohen nga Kosova ka qenë më i lartë në vitet 2014-2015, ndërsa tani shihen shenja të kthimit të diasporës.
“Unë nuk kam më shumë pushtet se ata para meje, por unë kam besimin e qytetarëve. Ne jemi këtu sepse na besuan. Jemi zotuar për rritje ekonomike, kemi pasur rekord në investime kapitale, në ndërtime rrugësh, çerdhe, shkolla, me investime rekord. Dhe këto janë fakte.
Kurrë nuk ka qenë mirëqenia më e lartë, sesa gjatë qeverisjes tonë. Nënat lehonë nuk kanë pasur kurrë mbështetje, por sot po. Në katër vite nuk ka pasur protesta, por ka shumë xhelozi dhe lakmi. Ne nuk mund të kthejmë të kaluarën.
Qytetatrët më shumë e kanë lënë Kosovën në vitet 2014, 2015, ndërsa sot unë shoh rikthimin e disaporës në vend. Në vitin tonë të parë të qeverisjes kemi pasur disa kriza, si Covid, kriza e inlfacionit apo energjitike. Ne në Kosovë nuk kemi çmime tavan, për shkak të LDK të cilët e çuan vendimin në gjykatën Kushtetuese. Ata çfarë kanë thënë në një vendim, kanë bërë gjë tjetër,” tha Kurti.
