Max Douman vazhdon të mahnisë me Arsenal. Sulmuesi anësor 16-vjeçar hyri në histori pas paraqitjes së tij në çerekfinalen e Champions League ndaj Sporting, duke vendosur një rekord të ri në kompeticion.
Falë kësaj ndeshjeje, Douman është bërë lojtari më i ri ndonjëherë që aktivizohet në një ndeshje play-off të Champions League. Rekordi mbahej më parë nga Lamine Yamal, i cili kishte luajtur kundër PSG në moshën 16 vjeç e 272 ditë, ndërsa talenti i Arsenal e theu atë duke zbritur në fushë në moshën 16 vjeç e 96 ditë.
Ky është vetëm një tjetër arritje në listën e rekordeve të talentit anglez. Douman mban tashmë disa rekorde të rëndësishme, mes tyre lojtari më i ri që debuton si titullar te Arsenal, lojtari më i ri i klubit në historinë e Premier League, lojtari më i ri në historinë e Champions League, lojtari më i ri i Arsenal në FA Cup, si dhe golashënuesi më i ri në historinë e Premier League.
Këtë sezon, 16-vjeçari ka zhvilluar 14 paraqitje me ekipin e parë të Arsenal, duke shënuar 7 gola dhe duke dhënë 1 asist. Gjithçka tregon se bëhet fjalë për një talent me të ardhme të jashtëzakonshme.
