Policia italiane ka arrestuar në flagrancë një shtetas shqiptar, i cili u kap me një sasi prej 8 kilogramë kokainë.
Sipas mediave italiane, operacioni u zhvillua në zonën e Oleggio, në Novarës, teksa droga ishte e paketuar dhe fshehur brenda automjetit me të cilin udhëtonte shqiptari.
Shqiptari nuk kishte precedentë penalë më parë. Ai u ndalua për një kontroll rutinë rrugor, pasi ai kishte shfaqur dyshime te karabinierët.
Gjatë kontrollit, në automjet u gjet kokainë e pastër e ndarë në ‘tulla’, të cilat kishin mbishkrime dhe simbole që përfaqësonin kodet për porositësit dhe blerësit të mallit, duke përfshirë ankronime të shkronjës “HMX” dhe emoji ‘spidermani’.
Policia deklaroi se shqiptari tregoi shenja të nervozizmit të dukshëm, teksa mjeti u dërgua në kazermën e Novarës për verifikime më të imtësishme. Vlera e drogës kapte rreth 1 milion euro nëse shitej me pakicë.
I arrestuari u dërgua në burgun e Novarës dhe mbetet në dispozicion të autoriteteve gjyqësore. Hetimet po vazhdojnë për të sqaruar origjinën e drogës dhe cdo lidhje me rrjetët kriminale aktive në zonë.
