Policia e Tiranës ka arrestuar dy vëllezër dhe ka shpallur në kërkim vëllain e tyre, pas një njoftimi se një 30-vjeçar ishte kanosur me armë zjarri në rrugën “Tafaj”.
Në kuadër të operacionit u arrestuan shtetasit: Alfred Meta, 41 vjeç dhe Resmi Meta, 46 vjeç, dhe u shpall në kërkim shtetasi G. M., 45 vjeç (te tre vëllezër).
Policia njofton se nga hetimet, dyshohet se pas një konflikti për motive të dobëta me 30-vjeçarin, tre vëllezërit e kanosën atë me armë zjarri.
Gjatë kontrollit në banesat e dy të arrestuarve në Tufinë, Policia sekuestroi 3 armë pistoleta dhe municion luftarak.
Materialet procedurale iu referuan Prokurorisë së Tiranës, për veprime të mëtejshme.
