Kalimi i mundshëm i Julián Álvarez te Arsenal nuk varet vetëm nga aspekti sportiv. Sulmuesi argjentinas thuhet se ka një shqetësim personal që lidhet me zhvendosjen në Angli.
Sipas ESPN Argentina, problemi kryesor ka të bëjë me familjen. Leja e qëndrimit në Angli do të mbulonte bashkëshorten dhe fëmijët e tij, ndërsa Álvarez zakonisht zhvendoset së bashku edhe me pjesëtarë të tjerë të familjes.
Arsenal mbetet i gatshëm të veprojë nëse sulmuesi jep dritën jeshile, por kjo çështje mund ta komplikojë vendimin përfundimtar të 26-vjeçarit.
Álvarez ka qenë në qendër të merkatos gjatë gjithë verës, mes interesit të Barcelonës, qëndrimit të fortë të Atlético Madrid dhe mundësisë së një transferimi në Premier League.
